Ambjent
L-Istamperija tal-Gvern kisbet iċ-ċertifikazzjoni FSC® tagħha (C140603) fl-2019 u għalhekk, tista’ tistampa prodotti, kotba, fuljetti, rivisti, eċċ., fuq il-karta u fuq il-kartonċin li jinkisbu minn foresti sostenibbli u ġestiti tajjeb jew minn materjal riċiklat.
X’inhi FSC®?
FSC(Kunsill tal-Amministrazzjoni Forestali) hija organizzazzjoni indipendenti, mhux governattiva u mingħajr skop ta’ qligħ stabbilita biex tippromovi l-ġestjoni responsabbli tal-foresti tad-dinja.
Iċ-ċertifikazzjoni FSC tipprovdi rabta kredibbli bejn il-produzzjoni responsabbli u l-konsum tal-prodotti tal-foresti, li tippermetti lill-konsumaturi u lin-negozji jieħdu deċiżjonijiet ta’ xiri li jkunu ta’ benefiċċju għan-nies u għall-ambjent.
L-istabbilimemt li prodott huwa ċċertifikat FSC®
Huma biss il-prodotti mmarkati bi trademarks validi ta’ FSC minn fornituri li għandhom ċertifikat validu tal-Katina tal-Kustodja tal-FSC li huma prodotti FSC. Il-logo FSC huwa t-trademark uffiċjali tal-FSC. Fuq il-prodott dan għandu jkun akkumpanjat min-numru tal-liċenzja FSC tad-detentur tas-CoC tal-FSC.
Il-Fattura u n-Noti ta’ Kunsinna tal-fornitur għandu jkollhom ukoll l-FSC Claim, li tiddikjara jekk il-karta użata hijiex Mix Credit, 100 % jew FSC Riċiklata.
Id-detentur taċ-ċertifikat CoC tal-FSC jiġi awditjat kull sena minn awditur indipendenti biex jiġi żgurat li l-katina tal-kustodja tal-FSC ma tinkisirx u tinżamm skont l-istandard attwali tal-FSC. Il-fornituri kollha li mhumiex iċċertifikati CoC ma jistgħux jużaw il-logo FSC fuq il-prodotti li jimmanifatturaw. Huwa illegali għal kwalunkwe fornitur/manifattur li jagħmel FSC Claim jew juża logos tal-FSC mingħajr il-pussess ta’ ċertifikat validu tal-Katina tal-Kustodja. L-użu tal-liċenzja FSC jew tal-kodiċi CoC ta’ fornitur ieħor minn fornitur li mhuwiex huwa stess parti mill-Katina tal-Kustodja huwa wkoll illegali.
X’inhuma ċ-Ċertifikazzjoni FSC® u l-Katina tal-Kustodja?
Iċ-ċertifikazzjoni FSC hija għodda volontarja u bbażata fuq is-suq li tappoġġja l-ġestjoni responsabbli tal-foresti madwar id-dinja. Il-prodotti tal-foresti ċċertifikati FSC jiġu vverifikati mill-foresta tal-oriġini permezz tal-katina tal-provvista. It-tikketta FSC tiżgura li l-prodotti tal-foresti użati jkunu ġejjin minn sorsi maħsuda u vverifikati b’mod responsabbli.
Il-katina tal-kustodja (CoC) tal-FSC tippermetti l-intraċċar kredibbli tal-materjal FSC mill-foresta, matul l-istadji suċċessivi kollha tal-proċess tal-produzzjoni, lill-bejjiegħa bl-imnut u lill-konsumaturi leali. Iċ-ċertifikazzjoni CoC qiegħda għal operazzjonijiet li jimmanifatturaw, jipproċessaw jew jinnegozjaw l-injam jew prodotti tal-foresti mhux tal-injam bħall-karta u l-kartonċin.
Iċ-ċertifikazzjoni CoC teħtieġ li l-operazzjonijiet jidentifikaw l-oriġini tal-materja prima użata fil-prodotti ċċertifikati FSC u jżommu l-prodotti ċċertifikati FSC separati minn prodotti oħra matul il-proċess kollu tal-produzzjoni. Huma biss l-operazzjonijiet b’ċertifikat CoC tal-FSC li huma permessi li jimmarkaw il-prodotti bit-trademarks FSC. It-tikketta FSC tipprovdi r-rabta bejn il-produzzjoni responsabbli u l-konsum li tippermetti lill-konsumatur jieħu deċiżjonijiet ta’ xiri soċjalment u ambjentalment responsabbli.
X’għandu jfittex il-Klijent?
Biex jiġi żgurat li l-klijent qed jikseb prodott validu FSC, il-klijent għandu jiżgura li l-prodott ikollu logo FSC validu (bin-numru tal-liċenzja FSC tal-fornitur li jkun qed jimmanifattura l-prodott) u jkollu FSC Claim kemm fuq il-fattura kif ukoll fuq in-Nota ta’ Kunsinna. L-FSC Claim għandha tkun akkumpanjata mill-kodiċi CoC tal-fornitur, bħal dik tal-Istamperija tal-Gvern GFA-CoC-003218. Huma biss il-Fornituri li huma akkreditati bil-Katina tal-Kustodja tal-FSC li jistgħu jagħmlu FSC Claim. Anki jekk il-materjal ikun oriġina minn sors FSC (fornitur/negozjant) ma jistax jiġi ddikjarat bħala FSC minn fornitur li mhuwiex parti mill-katina FSC.
Aktar Informazzjoni dwar l-FSC®
Aktar informazzjoni dwar l-FSC tista’ tinkiseb minn www.fsc.org. F’każ li l-klijent ikollu bżonn jivverifika jekk kumpanija hijiex iċċertifikata FSC jew le, wieħed irid jaċċessa s-sit web tal-FSC (www.fsc-info.org) u juża l-faċilità ta’ tiftix ipprovduta.
Iċ-ċertifikazzjoni FSC turi attitudni proattiva u innovattiva lejn l-akkwist u l-promozzjoni ta’ prodotti tal-karta sostenibbli. Tgħin biex tattira n-negozju mid-domanda dejjem tikber tal-akkwist, u tfittex li timminimizza l-impatti ambjentali tagħhom.